இறுதி ஊர்வலங்களில் ரோட்டில் வீசப்படும் பூக்களால் விபத்து அபாயம் : உள்ளாட்சி அமைப்புகள் நடவடிக்கை எடுக்க வலியுறுத்தல்

கொடைக்கானல் பகுதியில் நடைபெறும் இறுதி ஊர்வலங்களின் போது, வாகனங்களில் அலங்கரிக்கப்படும் பூக்கள் சாலைகளில் கொட்டப்படுவதால் விபத்து அபாயம் ஏற்பட்டுள்ளது. இதனால் இருசக்கர வாகன ஓட்டிகள் சறுக்கி விழுந்து காயமடையும் சூழல் நிலவுகிறது.

இந்த ஆபத்தான நிலையைத் தவிர்க்க, சம்பந்தப்பட்ட உள்ளாட்சி அமைப்புகள் உரிய நடவடிக்கை எடுக்க வேண்டும் என வலியுறுத்தப்படுகிறது. சாலைகளில் பூக்கள் சிதறாமல் இருக்க முறையான கட்டுப்பாடுகளை விதிக்க வேண்டும் என்பதே பொதுமக்களின் கோரிக்கையாக உள்ளது.