“டவர் இல்லாததால்தான் நானே எம்.எல்.ஏ ஆனேன்” - சட்டசபையில் வால்பாறை எம்.எல்.ஏ கோரிக்கையால் சிரிப்பலை!

சட்டமன்றத்தில் இன்று வால்பாறை தொகுதி திமுக எம்.எல்.ஏ சுதாகர் பேசியபோது எழுந்த கருத்து அவையில் சிரிப்பலையை ஏற்படுத்தியது. வால்பாறை தோட்டப் பகுதிகளில் செல்போன் டவர் வசதி ஏற்படுத்த வேண்டியதன் அவசியத்தை அவர் வலியுறுத்தினார்.

அப்போது பேசிய அவர், தனது பகுதியில் செல்போன் டவர் இல்லாத காரணத்தினாலேயே தான் எம்.எல்.ஏ ஆக முடிந்தது என்று குறிப்பிட்டார். ஒருவேளை அங்கு டவர் வசதி இருந்திருந்தால், தான் இன்ஸ்டாகிராமில் ரீல்ஸ் செய்து கொண்டிருப்பேன் என்று அவர் நகைச்சுவையாகக் கூறினார்.