வடசென்னையில் விரிவாக்கம் செய்யப்படும் மேம்பாலங்கள்.. பல ஆண்டு பிரச்சனைக்கு வரும் தீர்வு

வடசென்னையில் நிலவும் போக்குவரத்து நெரிசலைக் குறைப்பதற்காக, மாநில நெடுஞ்சாலைத் துறை முக்கிய மேம்பாலங்களை விரிவாக்கம் செய்யத் திட்டமிட்டுள்ளது. இதன்படி, எருக்கஞ்சேரி நெடுஞ்சாலையில் உள்ள பேசின் பாலம் மற்றும் வியாசர்பாடி ரயில்வே மேம்பாலம் ஆகிய இரண்டு பாலங்களை அகலப்படுத்தும் பணிகள் மேற்கொள்ளப்பட உள்ளன.

பல ஆண்டுகளாக நீடித்து வரும் போக்குவரத்து நெருக்கடிப் பிரச்சனைக்கு, இந்த மேம்பால விரிவாக்கத் திட்டம் தீர்வாக அமையும் என்று எதிர்பார்க்கப்படுகிறது. இந்தத் திட்டத்தின் மூலம் இப்பகுதியில் வாகனப் போக்குவரத்து சீரமைக்கப்பட உள்ளது.