“வீட்டுக்கு ஒரு புலிக்குட்டி கொடுங்கள்” - தேனி கிராம சபை கூட்டத்தில் தெறிக்க விட்ட வன கிராம மக்கள்

தேனி மாவட்டம் பொன்னன்படுகையில் நடைபெற்ற கிராம சபைக் கூட்டத்தில், பொதுமக்களின் கோரிக்கை அனைவரையும் ஆச்சரியத்தில் ஆழ்த்தியது. தங்களுக்குப் பாதுகாப்பு தேவை என்று குறிப்பிட்ட கிராம மக்கள், தங்களுக்கு வீட்டுக்கு ஒரு புலிக்குட்டியை வழங்கினால், அதை தாங்களே வளர்த்துப் பார்த்துக்கொள்வதாகத் தெரிவித்தனர்.

கிராம மக்களின் இந்தக் கோரிக்கையை அதிகாரிகள் ஏற்க மறுத்ததுடன், இதனைத் தீர்மானமாக நிறைவேற்றவும் மறுத்துவிட்டனர். வனப்பகுதியை ஒட்டியுள்ள கிராம மக்கள் விடுத்த இந்த வித்தியாசமான கோரிக்கை தற்போது பேசுபொருளாகியுள்ளது.