சென்னையில் மெரினா, பெசன்ட் நகர் பீச் உள்பட 32 இடங்களில் ஜென்சி இளைஞர்களுக்கு குட்நியூஸ்

சென்னை மெரினா மற்றும் பெசன்ட் நகர் கடற்கரை பகுதிகளில் பயன்பாடின்றி இருந்த இலவச வைஃபை (Wi-Fi) வசதிகள் தற்போது செயல்பாட்டுக்குக் கொண்டுவரப்பட்டுள்ளன. மெரினா கடற்கரையில் உழைப்பாளர் சிலை முதல் கலங்கரை விளக்கம் வரையிலான 27 இடங்களிலும், பெசன்ட் நகர் கடற்கரையில் 5 இடங்களிலும் இந்த இணைய வசதி பொதுமக்களின் பயன்பாட்டிற்கு கிடைக்கிறது.

நகரின் முக்கியமான இந்த 32 இடங்களில் இளைஞர்கள் மற்றும் சுற்றுலாப் பயணிகள் பயன்பெறும் வகையில் இந்த இணைய சேவை வழங்கப்பட்டுள்ளது. இதற்காக நீண்ட நாட்களாக காத்திருந்த மக்களுக்கு இது ஒரு மகிழ்ச்சியான செய்தியாக அமைந்துள்ளது.