சென்னை மாநகராட்சியில் 1000% உயர்ந்த சொத்து வரி.. ஸ்கிரீன்ஷாட்டுடன் நெட்டிசன் சரமாரி கேள்வி

சென்னை மாநகராட்சிக்கு உட்பட்ட பகுதியில் சொத்து வரி திடீரென 1,000 சதவீதம் உயர்த்தப்பட்டதாகக் கூறி, எக்ஸ் (X) தளத்தில் பயனர் ஒருவர் கேள்வி எழுப்பியுள்ளார். 2025-26 ஆம் ஆண்டின் முதல் பாதி வரை ரூ.585 ஆக இருந்த தனது அரையாண்டு சொத்து வரி, தற்போது இரண்டாவது பாதியில் ரூ.6,670 ஆக உயர்ந்துள்ளதாக அவர் குறிப்பிட்டுள்ளார்.

இந்த பத்து மடங்கு வரி உயர்வு குறித்த ஸ்கிரீன்ஷாட்டைப் பகிர்ந்துள்ள அந்த நபர், மாநகராட்சி நிர்வாகத்திடம் இது குறித்து விளக்கம் கோரியுள்ளார். இச்சம்பவம் சமூக வலைதளங்களில் பெரும் விவாதத்தை ஏற்படுத்தியுள்ளது.