காவல் நிலைய வளாகத்திற்குள் போலீஸ் பைக்குகளுக்கு தீவைப்பு; அறந்தாங்கியில் பரபரப்பு!

அறந்தாங்கி காவல் நிலைய வளாகத்தில் இன்று அதிகாலை 4.40 மணியளவில் வாசலில் நிறுத்தி வைக்கப்பட்டிருந்த மூன்று காவல் துறை இருசக்கர வாகனங்கள் திடீரென தீப்பற்றி எரிந்தன. இந்தச் சம்பவத்தால் அப்பகுதியில் பெரும் பரபரப்பு ஏற்பட்டது.

அருகிலிருந்த மகளிர் காவல் நிலைய ஊழியர்கள் உடனடியாக விரைந்து வந்து தீயை அணைக்க முயற்சி செய்தனர். அவர்களால் தீயை கட்டுப்படுத்த முடியாததால், தீயணைப்புத் துறையினருக்கு தகவல் தெரிவிக்கப்பட்டு தீயணைக்கும் பணிகள் மேற்கொள்ளப்பட்டன.