இந்தியாவின் ரூ.100; இந்த நாட்டுல 13,000 ரூபாய்க்கு சமம்: டெல்லியில் இருந்து ஜஸ்ட் 3 மணிநேரம் டிராவல் தான்; எந்த நாடு தெரியுமா?
வெளிநாடுகளுக்குச் சென்று வர வேண்டும் என்ற ஆசை பலருக்கும் இருந்தாலும், அதற்கு ஆகும் செலவைக் கருத்தில் கொண்டே பலர் அந்த விருப்பத்தைக் தள்ளிப்போடுகிறார்கள். ஆனால், மிகக் குறைந்த செலவிலேயே சர்வதேசப் பயண அனுபவத்தைப் பெறக்கூடிய ஓர் அற்புதமான நாடு நமக்கு அருகிலேயே உள்ளது. டெல்லியிலிருந்து புறப்பட்டால் வெறும் 3 மணி நேரத்திலேயே அங்கு சென்றுவிடலாம். வரலாற்றுச் சிறப்பும், கம்பீரமான கட்டிடக்கலையும் கொண்ட அந்த நாடுதான் உஸ்பெகிஸ்தான். ஹோட்டல் ரூ.5000; பிளைட் ரூ.4000... அதிக செலவில்லாமல் ஐரோப்பாவை சுற்றி பார்க்க சூப்பர் ஐடியா இந்திய ரூபாயின் மதிப்பு - பணப்புழக்கம் உஸ்பெகிஸ்தானில் இந்திய ரூபாயின் மதிப்பு மிகவும் அதிகம். 1 இந்திய ரூபாய் என்பது தோராயமாக 132 உஸ்பெகிஸ்தானி சோம் (Uzbekistani Som) மதிப்பைக் கொண்டுள்ளது. நம் ஊர் 100 ரூபாய் நோட்டு, அங்கு 13,000-க்கும் அதிகமான உள்ளூர் நாணயத்திற்குச் சமம். இதனால் விடுதிகள், தங்குமிடம் மற்றும் உணவுச் செலவுகள் இந்தியப் பயணிகளுக்கு மிக மிகக் குறைவாகவே அமையும். எளிமையான பயணமும் விசா வசதியும் டெல்லி மற்றும் மும்பை போன்ற முதன்மை நகரங்களிலிருந்து உஸ்பெகிஸ்தானிற்கு நேரடி விமானச் சேவைகள் உள்ளன. இந்தியாவிலிருந்து புறப்பட்ட 3 மணி நேரத்திற்குள் அங்கு சென்று சேர முடியும். இந்தியர்களுக்கு இணைய வழியிலேயே விசா பெறக்கூடிய 'இ-விசா' வசதி உள்ளதால், தூதரகத்திற்கு நேரடியாகச் சென்று காத்திருக்க வேண்டிய அவசியமில்லை. உணவு மற்றும் பார்க்க வேண்டிய இடங்கள் சுவையான உணவுகள்: உஸ்பெகிஸ்தானின் பாரம்பரிய உணவான 'புலாவ்' (Plov) உலகப் புகழ்பெற்றது. இறைச்சி மற்றும் பல்வேறு ரொட்டி வகைகள் இங்கு பிரபலம். இந்தியாவுடன் நீண்டகால பண்பாட்டுத் தொடர்பு இருப்பதால் சைவ உணவுப் பிரியர்களுக்கும் ஏற்ற உணவுகள் இங்கு கிடைக்கின்றன. நீல நிறக் குவிமாட நகரங்கள்: வரலாற்றுச் சிறப்புமிக்க சமர்கண்ட் (Samarkand) மற்றும் புகாரா (Bukhara) நகரங்களின் நீல நிறக் குவிமாடக் கட்டிடங்கள் கண்களுக்குப் விருந்தளிக்கும். குறைந்த செலவில் ஆடம்பரமான சர்வதேச அனுபவத்தைப் பெற விரும்பும் இந்தியச் சுற்றுலாப் பயணிகளுக்கு உஸ்பெகிஸ்தான் ஒரு மிகச்சிறந்த தேர்வாகும்.
வெளிநாடுகளுக்குச் செல்ல விரும்பும் பலரும் பயணச் செலவைக் கருத்தில் கொண்டு தங்கள் திட்டத்தைத் தள்ளிப்போடுகின்றனர். ஆனால், டெல்லியில் இருந்து வெறும் 3 மணி நேரப் பயணத்தில் சென்றடையக்கூடிய உஸ்பெகிஸ்தான் நாடு, குறைந்த செலவில் சர்வதேசப் பயண அனுபவத்தை வழங்குகிறது.
இந்தியாவின் 100 ரூபாய், உஸ்பெகிஸ்தானின் சுமார் 13,000 ரூபாய்க்குச் சமமாக உள்ளது. வரலாற்றுச் சிறப்புமிக்க கட்டிடக்கலைகளைக் கொண்ட இந்த நாட்டில் ஹோட்டல் தங்குமிடம் ரூ.5,000 மற்றும் விமானக் கட்டணம் ரூ.4,000 என்ற அளவிலேயே செலவாகும் என்பதால், குறைந்த செலவில் ஐரோப்பிய பாணி பயண அனுபவத்தைப் பெற முடியும்.