3 ஆயிரம் ஆண்டுக்கு முற்பட்ட கல் வட்டம், ஈமச்சின்னம் கண்டுபிடிப்பு

சிவகங்கை அருகே உள்ள பிரவலூர் கிராமத்தில், சுமார் 3,000 ஆண்டுகள் பழமையான கல் வட்டங்கள் மற்றும் ஈமச் சின்னங்கள் கண்டறியப்பட்டுள்ளன. இக்கிராமத்தைச் சேர்ந்த சரவணன் அளித்த தகவலின் அடிப்படையில், அழகப்பா அரசு கலைக் கல்லூரியின் வரலாற்றுத்துறை இணைப் பேராசிரியர் முனைவர் வேலாயுதராஜா இப்பகுதியில் கள ஆய்வு மேற்கொண்டார்.

பிரவலூர் கிராமத்தின் வடக்குப்பகுதியிலும், கடம்பன் குடி கண்மாய்க்கு தெற்குப் பகுதியிலும் இந்த வரலாற்றுச் சின்னங்கள் பரந்து விரிந்து காணப்படுவதாக அவர் உறுதிப்படுத்தியுள்ளார்.