பிறந்த 2 நாளில் பெண் குழந்தை விற்கப்பட்ட கொடூரம்! ரூ.9 லட்சத்திற்கு ஆசைப்பட்ட 'பாசக்கார' தாய் :3 டாக்டர்கள், புரோக்கர்கள் என 9 பேர் கைது

சென்னையின் வில்லிவாக்கம் பகுதியில் பிறந்த இரண்டு நாட்களே ஆன பெண் குழந்தையை, அந்தப் பச்சிளம் குழந்தையின் தாயே ரூ.9 லட்சத்திற்கு விற்பனை செய்துள்ள அதிர்ச்சி சம்பவம் நிகழ்ந்துள்ளது. பணத்திற்கு ஆசைப்பட்டு இக்கொடுஞ்செயலில் ஈடுபட்ட தாய் உட்பட, இடைத்தரகர்கள் மற்றும் மூன்று மருத்துவர்கள் என மொத்தம் ஒன்பது பேர் கைது செய்யப்பட்டுள்ளனர்.

ஆந்திர மாநிலத்தைச் சேர்ந்த நபருக்கு இந்தக் குழந்தையை விற்க முயன்றபோது இச்சம்பவம் வெளிச்சத்திற்கு வந்துள்ளது. இது தொடர்பாக வழக்குப்பதிவு செய்துள்ள போலீசார், குழந்தையை விற்பனை செய்ய உடந்தையாக இருந்த நபர்கள் குறித்து தீவிர விசாரணை நடத்தி வருகின்றனர்.