தமிழ்நாடு முழுவதும் அரசு அலுவலங்களில் லஞ்ச ஒழிப்புத்துறை சோதனை.. கட்டுக் கட்டாக சிக்கிய பணம்

தமிழ்நாடு முழுவதும் உள்ள பல்வேறு அரசு அலுவலகங்களில் லஞ்ச ஒழிப்புத்துறையினர் இன்று அதிரடி சோதனைகளை மேற்கொண்டனர். இந்த சோதனையின் போது, கணக்கில் வராத 28.24 லட்சம் ரூபாய் ரொக்கப்பணம் பறிமுதல் செய்யப்பட்டுள்ளது.

மேலும், சந்தேகத்திற்குரிய வகையில் கூகுள் பே (GPay) மூலம் நடைபெற்ற 89.89 லட்சம் ரூபாய் மதிப்பிலான பணப் பரிவர்த்தனைகளும் கண்டறியப்பட்டுள்ளன. இந்த சோதனைகளின் மூலம் மொத்தம் 1.18 கோடி ரூபாய் மதிப்பிலான பணம் கைப்பற்றப்பட்டுள்ளதாகத் தெரிவிக்கப்பட்டுள்ளது.