கொசஸ்தலை ஆற்றில் டன் கணக்கில் இறந்த மீன்கள் தொடரும் அதிர்ச்சி!: ஆலை ரசாயன கழிவுகளே காரணம் என குற்றச்சாட்டு; வாழ்வாதாரம் பாதிப்பதாக மீனவர்கள் சாலை மறியல்

எண்ணூர் கொசஸ்தலை ஆற்றில் நேற்று டன் கணக்கில் மீன்கள் செத்து மிதந்த சம்பவம் அப்பகுதி மக்களிடையே பெரும் அதிர்ச்சியை ஏற்படுத்தியுள்ளது. ஆலைகளில் இருந்து வெளியேற்றப்படும் ரசாயனக் கழிவுகளே மீன்கள் இறப்பிற்கு காரணம் என்று குற்றம் சாட்டப்படுகிறது.

இந்தச் சூழலால் தங்களது வாழ்வாதாரம் கடுமையாக பாதிக்கப்பட்டுள்ளதாகக் கூறி, மீனவர்கள் சாலை மறியல் போராட்டத்தில் ஈடுபட்டனர். ரசாயனக் கழிவுகளை வெளியேற்றுவதைத் தடுக்க உரிய நடவடிக்கை எடுக்க வேண்டும் என்பதே இவர்களின் கோரிக்கையாக உள்ளது.