இணைய வழியில் உசிலம்பட்டி பெண்ணிடம் ரூ.3.30 லட்சம் பெற்று மோசடி

தனியார் நிறுவனம் ஒன்றின் ஆண்டு விழாவைக் கொண்டாடுவதாகக் கூறி, உசிலம்பட்டியைச் சேர்ந்த பெண்ணிடம் கார் பரிசு விழுந்துள்ளதாக மர்ம நபர்கள் மோசடியில் ஈடுபட்டுள்ளனர். இந்தப் பரிசைப் பெறுவதற்காகப் பல்வேறு கட்டங்களாக அந்தப் பெண்ணிடம் 3.30 லட்சம் ரூபாயை இணைய வழி மூலம் அவர்கள் பெற்றுள்ளனர்.

பணத்தைப் பெற்றுக்கொண்டு கார் தராமல் ஏமாற்றிய நபர்கள் குறித்து, பாதிக்கப்பட்ட பெண் அளித்த புகாரின் அடிப்படையில் மதுரை சைபர் கிரைம் காவல்துறையினர் விசாரணை மேற்கொண்டு வருகின்றனர்.