வங்கி கணக்கில் பணம்.. தப்பித்தவறி இந்த தப்பை பண்ணிடாதீங்க! வாடிக்கையாளர்களுக்கு ரிசர்வ் வங்கி அலர்ட்

வங்கிக் கணக்கைப் பயன்படுத்த அனுமதி தருமாறு யாராவது உங்களிடம் எளிதாகப் பணம் தருவதாகக் கூறினால் கவனமாக இருக்கவும். சட்டவிரோதமான பணப் பரிமாற்றங்களில் ஈடுபட்டு 'மணி மியூல்' (money mule) எனப்படும் பணப் பரிமாற்றக் கருவியாகச் சிக்கிக்கொள்ள வேண்டாம் என்று ரிசர்வ் வங்கி எச்சரித்துள்ளது.

மற்றொருவருக்காக சட்டவிரோதமாகப் பெறப்பட்ட பணத்தை வேறொருவருக்குக் கைமாற்றி விடுபவர்களே 'மணி மியூல்' என்று அழைக்கப்படுகின்றனர். எனவே, உங்கள் வங்கிக் கணக்கை மற்றவர்கள் பயன்படுத்த ஒருபோதும் அனுமதிக்க வேண்டாம் என்று ரிசர்வ் வங்கி வாடிக்கையாளர்களுக்கு அறிவுறுத்தியுள்ளது.