பெண்களுக்கு ஊதியத்துடன் கூடிய மாதவிடாய் விடுப்பு.. தமிழக அரசுக்கு காலக்கெடு விதித்த ஐகோர்ட் கிளை!

அரசு மற்றும் தனியார் துறைகளில் பணிபுரியும் பெண்களுக்கு மாதவிடாய் காலத்தில் ஊதியத்துடன் கூடிய விடுப்பு வழங்குவது குறித்து தமிழக அரசு முடிவெடுக்க வேண்டும் என்று சென்னை உயர் நீதிமன்ற மதுரை கிளை உத்தரவிட்டுள்ளது. சட்டப்பேரவை கூட்டத்தொடர் முடிந்த பிறகு இது தொடர்பான முடிவை அரசு எடுக்க வேண்டும் என்று நீதிமன்றம் அறிவுறுத்தியுள்ளது.

அரசு இது குறித்து உரிய முடிவை எடுக்கத் தவறினால், நீதிமன்றமே இது தொடர்பாக தகுந்த உத்தரவை பிறப்பிக்கும் என்றும் நீதிபதிகள் எச்சரித்துள்ளனர்.