24ஆம் தேதி முதல் ஆவினுக்கு பால் வழங்க மாட்டோம்.. பால் உற்பத்தியாளர்கள் அதிரடி முடிவு

திருச்சிராப்பள்ளி மாவட்ட பால் உற்பத்தியாளர்கள் தங்களின் வாழ்வாதாரத்தைப் பாதிக்கும் வகையில், பால் கொள்முதல் விலையை ஒரு ரூபாய் மட்டுமே உயர்த்திய முதலமைச்சரின் முடிவுக்கு கடும் அதிருப்தி தெரிவித்துள்ளனர். பிச்சை எடுப்பவர்களுக்குக் கூட ஐந்து அல்லது பத்து ரூபாய் கிடைக்கும் நிலையில், பால் கொள்முதல் விலையில் இவ்வளவு குறைவான உயர்வை வழங்கியிருப்பது தங்களுக்குப் பேரிடியாக அமைந்துள்ளதாக அவர்கள் வேதனை தெரிவிக்கின்றனர்.

இந்தக் குறைந்த விலை உயர்வுக்கு எதிர்ப்பு தெரிவிக்கும் விதமாக, வரும் 24ஆம் தேதி முதல் ஆவின் நிறுவனத்திற்கு பால் வழங்கப் போவதில்லை என பால் உற்பத்தியாளர்கள் அதிரடியாக அறிவித்துள்ளனர்.