யாழில் விசேட தேவையுடைய பல்கலை மாணவர்களுக்கு நிதியுதவி

யாழ்ப்பாண மாவட்ட செயலகத்தில் நடைபெற்ற நிகழ்வில், தெரிவுசெய்யப்பட்ட விசேட தேவையுடைய பல்கலைக்கழக மாணவர்களுக்கு ஜனாதிபதி நிதியத்தின் ஊடாக நிதியுதவி வழங்கும் காசோலைகள் கையளிக்கப்பட்டன. சனிக்கிழமையன்று இடம்பெற்ற இந்த நிகழ்வில், பிரதம மந்திரி கலாநிதி ஹரிணி அமரசூரிய கலந்துகொண்டு மாணவர்களுக்கான காசோலைகளை வழங்கி வைத்தார்.

யாழ்ப்பாணம், வவுனியா மற்றும் பேராதனை உள்ளிட்ட பல்கலைக்கழகங்களைச் சேர்ந்த 76 விசேட தேவையுடைய மாணவர்களுக்கு இந்த நிதியுதவி வழங்கப்பட்டது. இதன்போது உரிய பல்கலைக்கழக மாணவர்களுக்குத் தேவையான நிதி உதவிகள் கையளிக்கப்பட்டன.