TN Assembly Live Updates: தமிழக சட்டசபை கூட்டம் - 2 வது நாளாக மானியக் கோரிக்கை விவாதம்

தமிழக சட்டசபையில் பட்ஜெட் கூட்டத்தொடர் கடந்த ஆகஸ்ட் 5-ந் தேதி தொடங்கியது. இதில் முதல் நாளில், நிதியமைச்சர் மரிய வில்சன், பொது பட்ஜெட்டை தாக்கல் செய்தார். அனைத்தொடர்ந்து ஆகஸ்ட் 6-ந் தேதி வேளாண் அமைச்சர் வினோத், வேளாண் துறைக்கான பட்ஜெட்டை தாக்கல் செய்திருந்தார். அதனைத் தொடர்ந்து ஆகஸ்ட் 7-ந் தேதி பட்ஜெட் மீதூன விவாதங்கள் நடைபெற்றது. சுதந்திர தினம் உள்ளிட்ட 4 நாட்கள் விடுமுறையை தொடர்ந்து நேற்று (ஆகஸ்ட் 17) சட்டசபை கூட்டம் மீண்டும் தொடங்கியது. இதில் மக்கள் நல்வாழ்த்துறை அமைச்சர் அருண்ராஜ் மற்றும் வருவாய் மற்றும் பேரிடர் மேலாண்மைத்துறை அமைச்சர் செங்கோட்டையன் ஆகியோர் புதிய அறிவிப்புகளை வெளியிட்டிருந்தனர். பயிர்க்கடன் கூடுதல் தள்ளுபடி - சட்டப்பேரவையில் விஜய் அறிவிப்பு ரூ.75,000 வரை பயிர்க்கடன் முழுமையாக தள்ளுபடி செய்யப்படும் என சட்டப்பேரவையில் விதி எண் 110-ன் கீழ் முதலமைச்சர் விஜய் அறிவித்துள்ளார். 75,000 முதல் ரூ.1 லட்சம் வரை பயிர் கடன் பெற்றவர்களுக்கு கூடுதலாக ரூ.40,000 தள்ளுபடி செய்யப்படும். ரூ.1 லட்சத்திற்கு மேல் பயிர்க்கடன் வாங்கியவர்களுக்கு ரூ.35,000 வரை தள்ளுபடி செய்யப்படும். மருத்துவ துறையில் கூடுதல் பணியிடங்கள் உருவாக்கப்படும் - அமைச்சர் அருண்ராஜ் மருத்துவத் துறையில் முதற்கட்டமாக 2,500 செவிலியர் பணியிடங்கள் கூடுதலாக உருவாக்கப்படும். 284 உயர் சிறப்பு மருத்துவ பணியிடங்கள் புதிதாக உருவாக்கப்படும். ரூ.51 கோடியில் நலம் - ஒருங்கிணைந்த கட்டணமில்லா உடல்நலப் பரிசோதனை திட்டம் செயல்படுத்தப்படும். 30 வயதுக்கு மேற்பட்டோருக்கு ஆண்டுக்கு ஒருமுறை 14 அடிப்படை பரிசோதனைகள் செய்யப்படும் என அமைச்சர் அருண்ராஜ் சட்டப்பேரவையில் தெரிவித்துள்ளார்.