இரவில் பூட்டப்படும் கட்டண கழிப்பிடம் பஸ் பயணிகள் கடும் பாதிப்பு

குளித்தலை பேருந்து நிலையத்தில் உள்ள இந்து சமய அறநிலையத் துறைக்குச் சொந்தமான குந்தாளம்மன் கோயில் கட்டணக் கழிப்பிடம், இரவு நேரங்களில் பூட்டி வைக்கப்படுகிறது. இதனால் பேருந்து நிலையத்தில் காத்திருக்கும் பயணிகள் கழிப்பிட வசதி இன்றி பெரும் சிரமத்திற்கு ஆளாகின்றனர்.

இரவு நேரங்களில் திறந்திருக்க வேண்டிய இந்த வசதி பூட்டப்பட்டிருப்பதால் பயணிகள் கடும் பாதிப்பைச் சந்தித்து வருகின்றனர். எனவே, பயணிகள் நலன் கருதி இதனைத் தொடர்ந்து திறந்து வைக்க நடவடிக்கை எடுக்க வேண்டும் என கோரிக்கை எழுந்துள்ளது.