டிப்ஸ் வசூலிக்கக் கூடாது.. ரேபிடோ, உபேர் செயலிகளுக்கு செக் வைத்த மத்திய அரசு!

ரேபிடோ மற்றும் உபேர் போன்ற வாகன முன்பதிவு செயலிகளில், பயணக் கட்டணத்திற்கு மேலாக கூடுதல் தொகையை 'டிப்ஸ்' ஆக எதிர்பார்க்கும் நடைமுறை குறித்து மத்திய அரசு நடவடிக்கை எடுத்துள்ளது. செயலியில் காட்டப்படும் கட்டணத்தை விட, அதிக தொகையை வழங்கும் பயணிகளின் முன்பதிவுகளுக்கு மட்டுமே ஓட்டுநர்கள் முக்கியத்துவம் அளிப்பதாகப் புகார்கள் எழுந்துள்ளன.

கூடுதல் பணம் செலுத்தாத பயணிகளின் முன்பதிவுகளை ஓட்டுநர்கள் புறக்கணிக்கும் இப்போக்கைத் தடுக்க மத்திய அரசு களமிறங்கியுள்ளது. பயணிகளிடம் கூடுதல் கட்டணம் வசூலிக்கும் இத்தகைய செயல்பாடுகளைக் கட்டுப்படுத்த அரசு புதிய நடவடிக்கைகளை மேற்கொண்டு வருகிறது.