சென்னையில் விஷவாயு தாக்கி தந்தை மகன் பரிதாபமாக உயிரிழப்பு.. போலீசார் விசாரணை!

சென்னையின் யானைக்கவுனி பகுதியில் கிணற்றைத் தூர்வாரும் பணியில் ஈடுபட்டிருந்த தந்தை மற்றும் மகன் விஷவாயு தாக்கி பரிதாபமாக உயிரிழந்தனர். கொடுங்கையூரைச் சேர்ந்த ரவி மற்றும் அவரது மகன் அய்யனார் ஆகியோர் 45 அடி ஆழமுள்ள கிணற்றுக்குள் இறங்கியபோது, அங்கிருந்த நச்சுக்காற்றைச் சுவாசித்ததால் சம்பவ இடத்திலேயே உயிரிழந்தனர்.

தகவலறிந்து சென்ற காவல்துறையினர், உயிரிழந்த இருவரின் உடல்களையும் மீட்டனர். இந்தச் சம்பவம் குறித்து போலீசார் தீவிர விசாரணை நடத்தி வருகின்றனர்.