“யாரை ஏமாற்ற? லஞ்சத்தை ஒழிப்பதாக வாட்ஸ்அப் எண் கொடுத்து மக்களை ஏமாற்ற வேண்டாம்" - ஐகோர்ட் காட்டம்!

ஊழலை ஒழிப்பதாகக் கூறி வாட்ஸ்அப் எண்களை வெளியிட்டு மக்களை ஏமாற்றும் செயலில் ஈடுபட வேண்டாம் என்று சென்னை உயர் நீதிமன்ற மதுரை கிளை காட்டமாக விமர்சித்துள்ளது. ஊழல் தடுப்புப் பிரிவு காவல்துறையினர் மீதே நீதிமன்ற உத்தரவுப்படி நடவடிக்கை எடுக்கப்படாத நிலையில், வாட்ஸ்அப் மூலம் வரும் புகார்களுக்கு மட்டும் உரிய நடவடிக்கை எடுக்கப்படுமா என்று நீதிபதிகள் கேள்வி எழுப்பினர்.

நீதிமன்ற உத்தரவுகளையே அமல்படுத்தாத நிலையில், வாட்ஸ்அப் எண் மூலம் லஞ்சத்தை ஒழிப்போம் என்று கூறுவது மக்களை ஏமாற்றும் செயல் என்று நீதிமன்றம் சாடியுள்ளது. இந்த விவகாரத்தில் அரசு அதிகாரிகளின் செயல்பாட்டை நீதிபதிகள் கடுமையாக விமர்சித்தனர்.