சொத்து வரி தாறுமாறா வந்து இருக்கா? ஆட்சேபனைகளை தெரிவிக்கலாம்.. சென்னை மாநகராட்சி அறிவிப்பு

முன்னறிவிப்பின்றி சொத்து வரி 300 சதவீதம் வரை உயர்த்தப்பட்டுள்ளதாக பொதுமக்கள் மத்தியில் புகார்கள் எழுந்துள்ளன. இதனைத் தொடர்ந்து, சொத்து மதிப்பீடு தொடர்பான வரி உயர்வு குறித்து ஆட்சேபனை தெரிவிக்க விரும்புவோர் அந்தந்த மண்டல துணை ஆணையர் அலுவலகத்தில் நேரில் சென்றோ அல்லது மின்னஞ்சல் மூலமாகவோ புகார் அளிக்கலாம் என சென்னை மாநகராட்சி அறிவித்துள்ளது.

இந்த புகார் அளிக்கும் வசதி நாளை காலை 10 மணி முதல் தொடங்குகிறது. சொத்து வரி உயர்வில் அதிருப்தி கொண்டுள்ள பொதுமக்கள் உரிய ஆவணங்களுடன் தங்களது ஆட்சேபனைகளை முறையாகப் பதிவு செய்யலாம் என அறிவுறுத்தப்பட்டுள்ளது.