ரூ.1,000 கோடி மோசடி நடந்துருக்கு.. மதுரையில் 3-வது நாளாக குவியும் புகார் மனுக்கள்.. 30,000 தாண்டியது

மதுரை, திண்டுக்கல் மற்றும் சிவகங்கை உள்ளிட்ட பகுதிகளில் பணத்தை முதலீடு செய்தால் இரட்டிப்பாகத் தருவதாகக் கூறி பல கோடி ரூபாய் மோசடி செய்த கும்பலை காவல்துறையினர் தேடி வருகின்றனர். 50,000 ரூபாய் முதல் பல லட்சம் ரூபாய் வரை முதலீடு செய்யுமாறு பொதுமக்களிடம் ஆசை காட்டி இந்த மோசடி அரங்கேற்றப்பட்டுள்ளது.

பாதிக்கப்பட்டவர்களிடம் புகார் பெறுவதற்காக அமைக்கப்பட்டுள்ள சிறப்பு முகாம்கள் இன்று மூன்றாவது நாளாக நடைபெற்று வருகின்றன. இதுவரை 30,000-க்கும் மேற்பட்ட புகார்கள் வரப்பெற்றுள்ள நிலையில், இந்த மோசடியின் மொத்த மதிப்பு 1,000 கோடி ரூபாயைத் தாண்டும் என கணிக்கப்பட்டுள்ளது.