சென்னையில் இன்று மழை இருக்கு.. சேலம் உள்பட 14 மாவட்டங்களில் இடி, மின்னலோடு மழை கொட்டும்!

சென்னை உட்பட 14 மாவட்டங்களில் இன்றும் நாளையும் பலத்த காற்றுடன் கூடிய மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. இதில் திருவள்ளூர், காஞ்சிபுரம், செங்கல்பட்டு, திருவண்ணாமலை, விழுப்புரம், கள்ளக்குறிச்சி மற்றும் கடலூர் போன்ற வட மாவட்டங்களும் அடங்கும்.

குறிப்பிட்ட இந்த மாவட்டங்களில் இடி மற்றும் மின்னலுடன் கூடிய மழை பெய்யும் என்று எச்சரிக்கப்பட்டுள்ளது. பொதுமக்களும் பயணிகளும் தகுந்த முன்னெச்சரிக்கையுடன் இருக்குமாறு அறிவுறுத்தப்படுகிறார்கள்.