மிலாடி நபி நாளில் டாஸ்மாக் கடைகள் மூடல்: தஞ்சையில் மதுபான விற்பனைக்கு தடை

<p style="text-align: justify;">தஞ்சாவூர்: மிலாடி நபி நாளையொட்டி தஞ்சாவூர் மாவட்டத்தில் உள்ள அனைத்து அரசு டாஸ்மாக் மதுபான சில்லறை விற்பனை கடைகள் மற்றும் அவற்றுடன் இணைந்த மதுபான கூடங்கள் நாளை மறுநாள் (ஆகஸ்ட் 26) மூடப்பட்டிருக்கும் என மாவட்ட நிர்வாகம் அறிவித்துள்ளது.</p> <p style="text-align: justify;"><strong>ஒருநாள் மதுபான விற்பனைக்கு தடை</strong></p> <p style="text-align: justify;">இதுகுறித்து மாவட்ட கலெக்டர் ரேவதி வெளியிட்டுள்ள அறிவிப்பில் கூறியிருப்பதாவது: தஞ்சாவூர் மாவட்டத்தில் செயல்பட்டு வரும் அரசு டாஸ்மாக் சில்லறை விற்பனை மதுபானக் கடைகள், அவற்றுடன் இணைந்த மதுபானக் கூடங்கள் மற்றும் உரிமம் பெற்று விடுதிகளுடன் இணைந்து செயல்படும் மதுக்கூடங்கள் அனைத்தும் ஆகஸ்ட் 26-ம் தேதி புதன்கிழமை, மிலாடி நபி நாளன்று திறக்கப்படமாட்டாது.</p> <p style="text-align: justify;">அன்றைய தினம் மாவட்டம் முழுவதும் மதுபான விற்பனை நடைபெறாது. டாஸ்மாக் கடைகள் மற்றும் அவற்றுடன் இணைந்த மதுபானக் கூடங்களை மூடி வைக்க வேண்டும் என அறிவுறுத்தப்பட்டுள்ளது.</p> <p style="text-align: justify;"><strong>விதிமுறைகளை மீறினால் நடவடிக்கை</strong></p> <p style="text-align: justify;">மிலாடி நபி நாளன்று அரசு உத்தரவின்படி மதுபான விற்பனைக்கு தடை விதிக்கப்பட்டுள்ளதால், தடை உத்தரவை மீறி மதுபானம் விற்பனை செய்வது அல்லது விதிமுறைகளுக்கு மாறாக மதுக்கூடங்களை திறந்து செயல்படுத்துவது கண்டறியப்பட்டால் சம்பந்தப்பட்டவர்கள் மீது உரிய சட்ட நடவடிக்கை மேற்கொள்ளப்படும் என அதிகாரிகள் தெரிவித்துள்ளனர்.</p> <p style="text-align: justify;">மாவட்டத்தில் சட்டம்-ஒழுங்கை பாதுகாப்பதற்கும், அரசு அறிவித்துள்ள மதுவிலக்கு நாளை முறையாக அமல்படுத்துவதற்கும் சம்பந்தப்பட்ட துறையினர் கண்காணிப்பு பணிகளில் ஈடுபட உள்ளனர்.</p> <p style="text-align: justify;">மிலாடி நபி நாளை முன்னிட்டு தஞ்சாவூர் மாவட்டத்தில் மதுபான விற்பனைக்கு விதிக்கப்பட்டுள்ள தடையை பொதுமக்களும், டாஸ்மாக் கடைகள் மற்றும் மதுக்கூடங்களின் நிர்வாகிகளும் முறையாக கடைப்பிடிக்க வேண்டும் என மாவட்ட நிர்வாகம் அறிவுறுத்தியுள்ளது.</p>