மேகதாது அணையில் 5 டிஎம்சி எங்களுக்கு போதும்.. மீதி எல்லாம் தமிழகத்துக்கு தான் - டிகே சிவக்குமார்

மேகதாது அணை விவகாரத்தில் தமிழகம் மற்றும் புதுச்சேரியின் உரிமைகள் பாதுகாக்கப்படும் என்று மத்திய உள்துறை அமைச்சர் அமித் ஷா முன்னிலையில் உறுதி அளித்துள்ளதாக கர்நாடக துணை முதல்வர் டி.கே. சிவகுமார் தெரிவித்துள்ளார். பெங்களூருவின் குடிநீர் தேவைக்காக மட்டுமே மேகதாது அணையில் இருந்து 5 டிஎம்சி தண்ணீரை எடுக்க திட்டமிட்டுள்ளதாகவும் அவர் குறிப்பிட்டுள்ளார்.

மேகதாது அணையில் சேமிக்கப்படும் மீதமுள்ள அனைத்து தண்ணீரும் தமிழகத்திற்கே வழங்கப்படும் என்று டி.கே. சிவகுமார் உறுதியளித்துள்ளார். இத்திட்டத்தின் மூலம் தமிழகத்தின் உரிமைகள் பாதிக்கப்படாது என்பதை அவர் மீண்டும் வலியுறுத்தியுள்ளார்.