தென்மாவட்டங்களில் வாழை இலை விலை கிடுகிடு உயர்வு; ஓட்டல்களில் பிளாஸ்டிக் பேப்பர் பயன்பாடு அதிகரிப்பு: பொதுமக்களின் உடல் நலனிற்கு பாதிப்பு

தென்மாவட்டங்களில் வாழை இலைகளின் விலை கடும் உயர்வைக் கண்டுள்ளது. ஒரு கட்டு வாழை இலை ரூ.2,000 முதல் ரூ.4,000 வரை விற்பனை செய்யப்படுவதால், சிறிய உணவகங்களில் இலைகளுக்குப் பதிலாக பிளாஸ்டிக் பூசப்பட்ட பட்டர் பேப்பர்கள் மற்றும் பச்சை நிற காகிதங்களின் பயன்பாடு அதிகரித்துள்ளது.

வாழை இலைகளுக்கு மாற்றாகப் பயன்படுத்தப்படும் இத்தகைய பிளாஸ்டிக் மற்றும் ரசாயனம் கலந்த காகிதங்களால் பொதுமக்களின் உடல்நலத்திற்குப் பாதிப்பு ஏற்படும் அபாயம் உருவாகியுள்ளது. இந்த விலை உயர்வு காரணமாக வியாபாரிகள் மற்றும் பொதுமக்கள் பெரிதும் பாதிக்கப்பட்டுள்ளனர்.