கனிம ஒப்பந்ததாரர்களுக்கு அதிர்ஷ்டம்.. மத்திய அரசின் புதிய சட்டத்திற்கு திமுக கடும் எதிர்ப்பு

மத்திய பாஜக அரசு நாடாளுமன்ற மக்களவையில் உரிய விவாதம் இன்றி நிறைவேற்றியுள்ள சுரங்க மற்றும் கனிமங்கள் (மேம்பாடு மற்றும் ஒழுங்குமுறை) திருத்தச் சட்ட மசோதா 2026-க்கு திமுக கடும் எதிர்ப்பு தெரிவித்துள்ளது. இந்தச் சட்டமானது மாநில அரசுகளின் உரிமைகளைப் பறிக்கும் வகையில் அமைந்துள்ளதாக திமுக எம்.பி. கனிமொழி விமர்சித்துள்ளார்.

கனிம வளங்கள் மீது வரி விதிக்கும் அதிகாரம் உள்ளிட்ட மாநில அரசுகளின் நிதி அதிகாரங்களை இந்த புதிய சட்டம் முழுமையாகப் பறிப்பதாக அவர் குற்றம் சாட்டியுள்ளார். கனிம ஒப்பந்ததாரர்களுக்குச் சாதகமாகச் செயல்படும் மத்திய அரசின் இத்தகைய நடவடிக்கை கூட்டாட்சித் தத்துவத்திற்கு எதிரானது என்று அவர் சுட்டிக்காட்டியுள்ளார்.