நேபாள வெள்ளத்தில் மாயமான நீதிபதியை மீட்க உதவுமாறு உச்சநீதிமன்ற தலைமை நீதிபதிக்கு கடிதம்!

நேபாளத்தில் ஏற்பட்ட வெள்ளப்பெருக்கின் காரணமாக, சென்னை உயர் நீதிமன்ற முன்னாள் நீதிபதி வி. சிவஞானம் மாயமாகியுள்ளார். அவரைத் தேடிக் கண்டறியும் பணியில் உதவுமாறு, தில்லி தமிழ் வழக்கறிஞர்கள் சங்கம் இந்திய உச்ச நீதிமன்ற தலைமை நீதிபதியிடம் கோரிக்கை விடுத்துள்ளது.

வெள்ளத்தால் பாதிக்கப்பட்டு தற்போதுவரை அவர் இருக்கும் இடம் தெரியாத சூழலில், அவரை விரைந்து மீட்பதற்கான நடவடிக்கைகளை எடுக்க வலியுறுத்தி இந்தக் கடிதம் அனுப்பப்பட்டுள்ளது.