டாஸ்மாக்கில் இனி 10 ரூபாய் வாங்கவே முடியாது.. புகார் அளிக்க 24 மணி நேர வாடிக்கையாளர் சேவை மையம்

டாஸ்மாக் கடைகளில் மதுபானங்களுக்கு நிர்ணயிக்கப்பட்ட விலையை விட கூடுதலாக 10 ரூபாய் வசூலிப்பதை தடுக்கும் வகையில், வாடிக்கையாளர்களுக்கான 24 மணி நேர சேவை மையத்தை டாஸ்மாக் நிர்வாகம் ஆகஸ்ட் 31, 2026 முதல் தொடங்கியுள்ளது. மதுபானங்களுக்குக் கூடுதல் விலை வசூலிப்பது மற்றும் சேவை குறைபாடுகள் குறித்த புகார்களைப் பொதுமக்கள் இதன் மூலம் தெரிவிக்கலாம்.

பெறப்படும் புகார்கள் அனைத்தும் சம்பந்தப்பட்ட அதிகாரிகளுக்கு உடனுக்குடன் அனுப்பி வைக்கப்படும். புகார்களுக்கு உரிய காலக்கெடுவுக்குள் தீர்வு காணப்பட்டு, நடவடிக்கைகள் எடுக்கப்படும் என்று டாஸ்மாக் நிர்வாகம் தெரிவித்துள்ளது.