வைகை எக்ஸ்பிரஸ் ரயிலில் நிலைமை எல்லை மீறி போய்விட்டது.. பயணி வெளியிட்ட அழுத்தமான பதிவு

வைகை எக்ஸ்பிரஸ் ரயிலில் முன்பதிவு செய்யப்பட்ட பெட்டிகளில், பொதுப் பயணச் சீட்டு எடுத்த பயணிகள் அதிக அளவில் நுழைந்து கூட்டமாகப் பயணம் செய்வதால் உண்மையான பயணிகளுக்கு பெரும் சிரமம் ஏற்பட்டுள்ளதாக பயணியொருவர் சமூக வலைதளத்தில் குற்றம் சாட்டியுள்ளார். முன்பதிவு செய்த பயணிகள் இருக்கைகளில் அமர முடியாமல் அவதிப்படும் இந்தச் சூழலில், ரயில்வே அதிகாரிகள் மற்றும் பாதுகாப்புப் படையினர் எங்கே இருக்கிறார்கள் என அவர் கேள்வி எழுப்பியுள்ளார்.

முன்பதிவு செய்யப்பட்ட பெட்டிகளில் முன்பதிவு செய்யாதவர்கள் நுழைவதைத் தடுத்து, முறையான பயணிகளுக்கு உரிய இருக்கைகளை உறுதி செய்ய வேண்டும் என்பதே பயணிகளின் எதிர்பார்ப்பாக உள்ளது. முன்பதிவு என்ற முறைக்கு மதிப்பு அளிக்கப்பட வேண்டும் என்பதை வலியுறுத்தி அவர் இந்த அழுத்தமான பதிவைப் பகிர்ந்துள்ளார்.