பெங்களூர் செல்பவர்களின் வழியல்ல 'வலி'.. தொப்பூர் கணவாயில் கார் பேனட்டை திறந்து காத்து வாங்கிய மக்கள்

தர்மபுரி மாவட்டம் தொப்பூர் கணவாயில், ஞாயிற்றுக்கிழமை இரவு பெங்களூரு நோக்கி சென்ற வாகனங்களால் கடுமையான போக்குவரத்து நெரிசல் ஏற்பட்டது. விடுமுறை முடிந்து ஏராளமானோர் ஒரே நேரத்தில் பெங்களூரு திரும்பியதால், சுமார் 10 கிலோமீட்டர் தூரம் வரை வாகனங்கள் அணிவகுத்து நின்றன.

நெரிசலில் சிக்கிய வாகனங்கள் நகர முடியாமல் நீண்ட நேரம் நின்றதால், பயணிகள் கடும் அவதிக்குள்ளாகினர். சூடு தணிப்பதற்காக வாகன ஓட்டிகள் தங்களது கார்களின் பேனட்டைத் திறந்து வைத்து காற்று வாங்கிய காட்சிகள் அங்குக் காணப்பட்டன.