இருளில் மூழ்கிய மாமல்லபுரம் செங்கல்பட்டு நெடுஞ்சாலை: வழிப்பறி சம்பவத்தால் மக்கள் அச்சம்

மாமல்லபுரம்-செங்கல்பட்டு நெடுஞ்சாலையில் போதிய மின்விளக்கு வசதி இல்லாததால் அப்பகுதி முழுவதும் இருளில் மூழ்கியுள்ளது. இதனால் அந்தச் சாலையில் வழிப்பறி சம்பவங்கள் அதிகரித்து வருவதாகக் கூறப்படுகிறது.

இந்தச் சூழலால் அவ்வழியாகப் பயணம் செய்யும் பொதுமக்கள் மற்றும் வாகன ஓட்டிகள் மிகுந்த அச்சத்திற்கு ஆளாகியுள்ளனர். உரிய பாதுகாப்பு நடவடிக்கைகளை மேற்கொள்ள வேண்டும் என பொதுமக்கள் கோரிக்கை விடுத்துள்ளனர்.