மகனுக்கு மொட்டையடித்த மாதம்பட்டி ரங்கராஜ்; ஜோடி சேர்ந்த ஜாய் கிரிசல்டா

சின்னதிரை நடிகரும், சமையல் கலைஞருமான மாதம்பட்டி ரங்கராஜுடன், தனது குழந்தைக்கு மொட்டையடித்த புகைப்படங்களை வெளியிட்டுள்ளார் ஆடை வடிவமைப்பாளர் ஜாய் கிரிசல்டா. சில மாதங்களுக்கு முன்பு ஜாய் கிரிசல்டாவிற்கு ஆண் குழந்தை பிறந்தது. இதற்குத் தந்தை மாதம்பட்டி ரங்கராஜ் தான் என்றும், அவர் தன்னை திருமணம் செய்து கொண்டதாகவும் தெரிவித்திருந்தார். இது தொடர்பான வழக்கு நீதிமன்றத்திற்குச் சென்றது. இந்த வழக்கு விசாரணையில், நடத்தப்பட்ட டி.என்.ஏ சோதனையில் அக்குழந்தையின் தந்தை ரங்கராஜ் தான் என்று உறுதி செய்யப்பட்டது. இதையடுத்து, அந்த குழந்தையின் அனைத்து செலவுகளையும் தான் ஏற்றுக்கொள்வதாகவும், அந்த குடும்பத்தைத் தான் பராமரிப்பதாகவும் ரங்கராஜ் உறுதியளித்தார். இந்நிலையில், கடந்த சில தினங்களுக்கு முன்பு ஜாய் கிரிசல்டா தனது மகன் ராகாவுக்கு கோயிலில் வைத்து மொட்டையடித்துள்ளார். அப்போது, அந்த குழந்தையை ரங்கராஜின் மடியில் வைத்து மொட்டையடித்த புகைப்படங்கள் மற்றும் கோயிலில் எடுத்துக்கொண்ட புகைப்படங்களை ஜாய் தனது சமூக வலைத்தள பக்கத்தில் வெளியிட்டுள்ளார். அதில், ரங்கராஜ் பட்டு வேட்டி, சட்டையுடன் ஜாய் கிரிசல்டா மற்றும் ராகாவுடன் இருப்பது போன்ற புகைப்படங்களும் இடம்பெற்றுள்ள நிலையில், இந்த படங்கள் தற்போது சமூக வலைத்தளங்களில் வைரலாகி வருகிறது.