'சர்வர் ' முடங்கியதால் ரேஷன் வினியோகம் பாதிப்பு

தேனி உள்ளிட்ட தமிழகம் முழுவதும் நேற்று ரேஷன் பொருட்களை விற்பனை செய்வதற்கான சர்வர் திடீரென முடங்கியது. இதனால் பொதுமக்களுக்கு ரேஷன் பொருட்கள் விநியோகம் செய்யும் பணி கடுமையாகப் பாதிக்கப்பட்டது.

தொழில்நுட்பக் கோளாறு காரணமாக மாநிலம் முழுவதும் ரேஷன் கடைகளில் விற்பனை நிறுத்தப்பட்டதால், பொருட்கள் வாங்க வந்த மக்கள் அவதிக்குள்ளாகினர். சர்வர் சரிசெய்யப்பட்ட பின்னரே மீண்டும் விநியோகம் சீரானது.