அடுத்த ஐபிஎல் தொடரில் சென்னை சூப்பர் கிங்ஸ் வலுவான மீள்வருகையை பதிவு செய்யும் - கேப்டன் ருதுராஜ் கெய்க்வாட் நம்பிக்கை

கோவையில் நடைபெற்ற நிகழ்வு ஒன்றில் கலந்துகொண்ட சென்னை சூப்பர் கிங்ஸ் அணியின் கேப்டன் ருதுராஜ் கெய்க்வாட், வரும் ஐபிஎல் தொடரில் தனது அணி வலுவான மீள்வருகையை (கம்பேக்) பதிவு செய்யும் என நம்பிக்கை தெரிவித்துள்ளார்.

தோனியிடமிருந்து கேப்டன் பொறுப்பை ஏற்று நடத்துவது அதிக உழைப்பைக் கோரும் ஒரு சவாலான காரியம் என்று அவர் குறிப்பிட்டுள்ளார். இருப்பினும் அணியின் எதிர்கால செயல்பாடுகள் குறித்து அவர் மிகுந்த நம்பிக்கையுடன் உள்ளார்.

அடுத்த ஐபிஎல் சீசனுக்கான தலைமைப் பயிற்சியாளரைத் தேர்வு செய்வது குறித்த கேள்விக்கு பதிலளித்த ருதுராஜ், அதற்கான கால அவகாசம் இன்னும் இருப்பதாகவும், சரியான நேரத்தில் தகுந்த முடிவு எடுக்கப்படும் என்றும் கூறியுள்ளார்.