AUS vs BAN: யாருகிட்ட...! பழி தீர்த்தது ஆஸ்திரேலியா.. வங்கதேசத்தை சுருட்டி வீசிய ஸ்டார்க்! சமனாகியது தொடர்!

<p>வங்கதேசம் அணி ஆஸ்திரேலியாவிற்கு சுற்றுப்பயணம் மேற்கொண்டு கிரிக்கெட் தொடரில் ஆடி வந்தது. இரு அணிகளும் மோதிய முதல் போட்டியில் வங்கதேசம் அணி 9 விக்கெட் வித்தியாசத்தில் அபார வெற்றி பெற்றது. </p> <h2><strong>ஆஸ்திரேலியா ஃபயர் பவுலிங்:</strong></h2> <p>இந்த நிலையில், இரு அணிகளும் மோதிய 2வது டெஸ்ட் போட்டியில் முதல் இன்னிங்சில் ஸ்டார்க்கின் அபாரமான பந்துவீச்சை சமாளிக்க இயலாத வங்கதேசம் 64 ரன்களுக்கு ஆல் அவுட்டானாது. ஸ்டார்க் அந்த இன்னிங்சில் 6 விக்கெட் வீழ்த்தினார். அடுத்து முதல் இன்னிங்சைத் தொடங்கி ஆடிய ஆஸ்திரேலிய அணியும் ரன் எடுக்கத் தடுமாறியது. இஸ்லாம் அபாரமாக பந்துவீசி 7 விக்கெட் வீழ்த்தியதால் 210 ரன்களுக்கு ஆல் அவுட்டானது.</p> <p>146 ரன்கள் பின்தங்கிய நிலையில், 2வது இன்னிங்சைத் தொடங்கிய வங்கதேசத்தை மீண்டும் ஸ்டார்க் பந்துவீச்சில் மிரட்ட, கம்மின்ஸ், நாதன் லயனும் ஒத்துழைப்பு அளித்தனர். தமிம், ஷத்மான் இஸ்லாம், மோமினுல் ஹக் ஒற்றை இலக்கத்தில் அவுட்டாக கேப்டன் ஷான்டோ - ரஹீம் சற்று பொறுப்புடன் ஆடினார்கள். </p> <h2><strong>இன்னிங்ஸ் வெற்றி:</strong></h2> <p>ஆனாலும், கேப்டன் ஷான்டோ 31 ரன்களுக்கு அவுட்டாகவும் ஆட்டம் ஆஸ்திரேலியா வசம் சென்றுவிட்டது. இறுதியில் 38.3 ஓவர்களில் 95 ரன்களுக்கு வங்கதேசம் ஆல் அவுட்டானது. இதனால், ஆஸ்திரேலியா இன்னிங்ஸ் மற்றும் 51 ரன்கள் வித்தியாசத்தில் வெற்றி பெற்றது. ஸ்டார்க் 4 விக்கெட்டுகளும், கம்மின்ஸ் மற்றும் நாதன் லயன் தலா 3 விக்கெட்டுகளும் வீழ்த்தினர்.</p> <h2><strong>பழிக்கு பழி:</strong></h2> <p>முதல் டெஸ்ட் போட்டியில் தோல்வி அடைந்த நிலையில், 2வது டெஸ்ட் போட்டியில் வங்கதேசத்தை வீழ்த்தி தோல்விக்கு பழி தீர்த்தது ஆஸ்திரேலியா. இதன் மூலம் 2 போட்டிகள் கொண்ட இந்த தொடரை 1-1 என்ற கணக்கில் சமனாகியுள்ளது.</p> <p>இந்த போட்டியில் வெற்றி பெற்றிருந்தால் ஆஸ்திரேலிய மண்ணில் முதன்முறையாக தொடரை வென்ற பெருமையை வங்கதேசம் படைத்திருக்கும். ஆனால், அந்த வாய்ப்பை வங்கதேசம் தவறவிட்டுள்ளது.</p> <p>வங்கதேசம் தொடரை வெல்லும் வாய்ப்பை இழந்தாலும், கம்மின்ஸ், ஸ்டார்க், ஸ்மித், லபுஷேனே, ட்ராவிஸ் ஹெட், ஹேசில்வுட் என பலமிகுந்த வீரர்கள் கொண்ட ஆஸ்திரேலிய அணியை முதல் போட்டியில் வீழ்த்தியதற்கு பலரும் வாழ்த்து தெரிவித்துள்ளனர்.</p> <p><iframe class="vidfyVideo" style="border: 0px;" src="https://tamil.abplive.com/web-stories/health/if-you-have-kidney-stones-avoid-these-vegetables-272273" width="631" height="381" scrolling="no"></iframe></p>