நஹாய் அடையாள சின்ன போட்டி பங்கேற்க அழைப்பு

இந்திய தேசிய நெடுஞ்சாலை ஆணையம் (நஹாய்) மற்றும் மத்திய அரசு இணைந்து, ஆணையத்திற்கான பிரத்யேக அடையாள சின்னத்தை (மாஸ்காட்) வடிவமைக்கும் போட்டியை அறிவித்துள்ளன. தடையற்ற போக்குவரத்து, சாலை பாதுகாப்பு, புதுமை, நம்பிக்கை மற்றும் நிலையான உள்கட்டமைப்பு ஆகியவற்றை மையமாக கொண்டு இந்த சின்னங்களை வடிவமைக்க அழைப்பு விடுக்கப்பட்டுள்ளது.

இது தொடர்பான கூடுதல் விவரங்களை மதுரை மண்டல தேசிய நெடுஞ்சாலை ஆணைய அலுவலகம் வெளியிட்டுள்ள செய்திக்குறிப்பில் தெரிவித்துள்ளது. இந்த போட்டியில் பங்கேற்க ஆர்வமுள்ளவர்கள் உரிய வழிமுறைகளைப் பின்பற்றி விண்ணப்பிக்கலாம் என தெரிவிக்கப்பட்டுள்ளது.