Sonal Dinusha: தனி ஒருவன்.. இலங்கையின் ஒளிரும் புதிய நட்சத்திரம்! யார் இந்த சோனல் தினுஷா?

<p>இந்திய இலங்கை அணிகள் மோதிய 2வது டெஸ்ட் போட்டி இன்று முடிந்துள்ளது. இந்திய அணியின் பிரதான வெற்றி வாய்ப்பு இன்று காலை ஆட்டம் தொடங்கியபோது இருந்த நிலையில், அதை தனி ஆளாக தவிடுபொடியாக்கினார் இலங்கை வீரர் சோனல் தினுஷா.</p> <h2><strong>காப்பாற்றிய சோனல் தினுஷா:</strong></h2> <p>முதல் இன்னிங்சில் இந்தியா 509 ரன்களை குவித்த நிலையில், இலங்கை அணி முதல் இன்னிங்சில் தடுமாறியபோது அந்த அணிக்காக சிறப்பாக ஆடியவர் சோனல் தினுஷா. அவர் 162 பந்துகளில் 8 பவுண்டரியுடன் 103 ரன்கள் குவித்தும் அவரால் இலங்கையை ஃபாலோ ஆன் ஆவதில் இருந்து காப்பாற்ற முடியவில்லை. </p> <p>290 ரன்களுக்கு இலங்கை ஆல் அவுட்டான நிலையில், ஃபாலோ ஆன் ஆகிய இலங்கை அணி மீண்டும் ஆட்டத்தை தொடங்கியது. சூர்யபண்டாரா 92 ரன்கள் எடுத்து அவுட்டாக 218 ரன்களுக்கு 6 விக்கெட்டுகளை இழந்தபோது இலங்கை தோல்வியின் பிடியில் சிக்கியிருந்த நிலையில், மெல்ல மெல்ல அணியை மீட்கத் தொடங்கினார் சோனல் தினுஷா.</p> <h2><strong>வெற்றியைப் பறித்த வில்லன்:</strong></h2> <p>சோனல் தினுஷா தனி ஆளாக நிதானமாகவும், பொறுமையாகவும் ஆடினார். டெயிலண்டர் நுவந்தா-வை மறுமுனையில் வைத்துக்கொண்டு அவர் நிதானமாகவும், பொறுப்புடன் ஆடினார். மெல்ல மெல்ல இந்தியாவிடம் இருந்து ஆட்டத்தை அவர் பறிக்கத் தொடங்கினார்.</p> <p>பிரசித் கிருஷ்ணா, சிராஜ், மானவ் சுதர், சரன்ஸ், ஜடேஜா என இந்திய பந்துவீச்சு படையும், கில், ஜெய்ஸ்வால், துருவ் ஜுரல் ஆகியோர் வீசியும் கடைசி வரை சோனல் தினுஷாவை வீழ்த்தவே இயலவில்லை. கடைசிவரை அவுட்டாகாத தினுஷா 264 பந்துகளில் 8 பவுண்டரி 2 சிக்ஸருடன் 133 ரன்கள் எடுத்து அவுட்டாகாமல் இருந்தார். இதனால், தோல்வியின் பிடியில் இருந்த இலங்கை அணி இந்த போட்டியை டிரா செய்தது.</p> <h2><strong>தனி ஒருவன்:</strong></h2> <p>இந்த போட்டியில் இலங்கையை தனி ஆளாக மீட்டுக் கொடுத்த சோனல் தினுஷா இலங்கையின் புதிய வரவாக உருவெடுத்துள்ளார். இவர் இதுவரை 5 டெஸ்ட் போட்டிகளில் ஆடி 606 ரன்கள் எடுத்துள்ளார். அதிகபட்சமாக 133 ரன்கள் எடுத்துள்ளார். இதில் 2 அரைசதங்கள், 3 சதங்கள் அடங்கும்.</p> <p>கடந்தாண்டு வங்கதேச அணிக்கு எதிராக அறிமுகமாகிய தினுஷா இலங்கையின் புதிய நட்சத்திரமாக தற்போது உருவெடுக்கத் தொடங்கியுள்ளார். இந்த டெஸ்ட் தொடரில் அதிக ரன்கள் எடுத்த வீரர் என்ற பெருமையை சோனல் தினுஷா பெற்றார். அவர் 2 போட்டிகளில் 4 இன்னிங்சில் 420 ரன்கள் எடுத்தார். இதில் 28 பவுண்டரிகள் 8 சிக்ஸர்கள் அடங்கும். எதிர்காலத்தில் இலங்கை அணியின் புதிய நட்சத்திரமாக சோனல் தினுஷா பல போட்டிகளில் மிளிர்வார் என்று ரசிகர்கள் ஆழமாக நம்புகின்றனர்.</p> <p><iframe class="vidfyVideo" style="border: 0px;" src="https://tamil.abplive.com/web-stories/health/can-you-get-mouth-cancer-even-if-you-don-t-smoke-272544" width="631" height="381" scrolling="no"></iframe></p> Source: Read Full Article