CSK-வின் அடுத்த தலைமை பயிற்சியாளர் யார்? வெளிநாட்டு நிபுணருக்கு வாய்ப்பு? – புதிய தகவல்!

CSK-வின் அடுத்த தலைமை பயிற்சியாளர் யார்? வெளிநாட்டு நிபுணருக்கு வாய்ப்பு? – புதிய தகவல்! சென்னை சூப்பர் கிங்ஸ் அணியின் அடுத்த தலைமை பயிற்சியாளர் தொடர்பான எதிர்பார்ப்பு அதிகரித்துள்ளது. ஸ்டீபன் ஃப்ளெமிங் 18 ஆண்டுகால பயணத்துக்குப் பிறகு CSK-விலிருந்து விலகியுள்ள நிலையில் , அவரது இடத்தை நிரப்ப புதிய பயிற்சியாளரைத் தேர்வு செய்யும் பணியில் அணி நிர்வாகம் ஈடுபட்டுள்ளது. CSK அணியின் அடுத்த தலைமை பயிற்சியாளர் பதவிக்கு இந்தியர் அல்லது வெளிநாட்டைச் சேர்ந்த பயிற்சியாளர் என இரு வாய்ப்புகளும் திறந்திருப்பதாக CSK CEO காசி விஸ்வநாதன் முன்பு தெரிவித்திருந்தார். எந்த முடிவும் இன்னும் எடுக்கப்படவில்லை என்றும் அவர் கூறியிருந்தார். இந்நிலையில், புதிய தலைமை பயிற்சியாளர் வெளிநாட்டு கிரிக்கெட் நிபுணராக இருக்க வாய்ப்புள்ளதாக தகவல்கள் தெரிவிக்கின்றன. இதனால் CSK-வின் அடுத்த பயிற்சியாளர் யார் என்ற கேள்வி ரசிகர்கள் மத்தியில் மேலும் அதிகரித்துள்ளது. முன்னதாக ராகுல் டிராவிட், ஹேமங் பதானி உள்ளிட்ட இந்திய கிரிக்கெட் நிபுணர்களின் பெயர்களும் சாத்தியமான தேர்வுகளாக பேசப்பட்டிருந்தன. ஆனால் தற்போது வெளிநாட்டு பயிற்சியாளருக்கு முன்னுரிமை கிடைக்கலாம் என்ற தகவல் வெளியாகியுள்ளது. ஃப்ளெமிங் தலைமையில் CSK நீண்ட காலம் வெற்றிகரமான பயணத்தை மேற்கொண்டது. 2009 முதல் 2026 வரை அணியின் தலைமை பயிற்சியாளராக இருந்த அவர், CSK-வை 5 IPL கோப்பைகள் மற்றும் 2 Champions League T20 பட்டங்கள் வெல்ல வழிநடத்தினார். இதனால் அவருக்குப் பதிலாக வரவிருக்கும் பயிற்சியாளர் மீது மிகப்பெரிய எதிர்பார்ப்பு ஏற்பட்டுள்ளது. குறிப்பாக, CSK-வின் பாரம்பரியமான அணுகுமுறையையும், இளம் வீரர்களை வளர்க்கும் திட்டத்தையும் தொடரக்கூடிய ஒருவரை நிர்வாகம் தேர்வு செய்யுமா என்பது கவனிக்க வேண்டிய விஷயமாக உள்ளது. இப்போதைக்கு புதிய தலைமை பயிற்சியாளர் அதிகாரப்பூர்வமாக அறிவிக்கப்படவில்லை.