TNPL 2026 Qualifier 2: திருச்சி அணியை வீழ்த்தி கோவை கிங்ஸ் அபார வெற்றி – ஃபைனலுக்கு தகுதி!

சென்னை சேப்பாக்கம் மைதானத்தில் நடைபெற்ற TNPL 2026 Qualifier 2 போட்டியில், திருச்சி கிராண்ட் சோழாஸ் (TGC) அணியை 84 ரன்கள் வித்தியாசத்தில் வீழ்த்தி கோவை கிங்ஸ் (VKK) அணி அபார வெற்றி பெற்று ஃபைனலுக்கு முன்னேறியுள்ளது. சுரேஷ் லோகேஷ்வர் 44 பந்துகளில் 8 பவுண்டரிகள், 1 சிக்ஸருடன் 66 ரன்கள் விளாசினார். ராதாகிருஷ்ணன் 34 பந்துகளில் 48 ரன்கள் சேர்த்து வலுவான அடித்தளம் அமைத்தார். இறுதியில் கேப்டன் ஷாருக் கான் 18 பந்துகளில் 2 சிக்ஸர்கள், 3 பவுண்டரிகளுடன் 34 ரன்கள் குவித்து ஸ்கோரை 183-ஆக உயர்த்தினார். ஆர். ராஜ்குமார் 4 ஓவர்களில் 29 ரன்கள் விட்டுக்கொடுத்து 3 விக்கெட்டுகளைக் கைப்பற்றினார். 184 ரன்கள் இலக்கை நோக்கி களமிறங்கிய திருச்சி அணியை கோவை பந்துவீச்சாளர்கள் ஆரம்பம் முதலே திணறடித்தனர். எம். சித்தார்த் 4 ஓவர்களில் வெறும் 11 ரன்கள் கொடுத்து 4 விக்கெட்டுகளை வீழ்த்தி அசத்தினார். கே. தீபன் லிங்கேஷ் (3/14) மற்றும் ரமேஷ் திவாகர் (2/14) திருச்சி அணியின் விக்கெட்டுகளை வரிசையாகச் சரித்தனர்.