அகில இந்திய கூடைப்பந்து போட்டி: கோப்பையை வென்ற ஓ.என்.ஜி.சி, ரயில்வே அணிகள்

கோவையில் அகில இந்திய அளவிலான அகில இந்திய அளவிலான பி.எஸ்.ஜி கோப்பை கூடைப்பந்து போட்டி, கடந்த 26-ஆம் தேதி துவங்கி ஐந்து நாட்கள் நடைபெற்றது. இதில் ஆண்கள் பிரிவில் சென்னை - இந்தியன் வங்கி அணி, புது டெல்லி - இந்திய விமானப்படை அணி, லோனாவாலா - இந்திய கப்பல்படை அணி, புது டெல்லி - ஓஎன்ஜிசி அணி, திருவனந்தபுரம் - கேரள மாநில மின்வாரியம் அணி, சென்னை - ஹிந்துஸ்தான் பல்கலைக்கழக அணி மற்றும் சென்னை - தமிழ்நாடு இதர அணி (Rest of Tamil Nadu) ஆகிய 7 அணிகளும், பெண்கள் பிரிவில் செக்கந்தராபாத் - தென் மத்திய ரயில்வே அணி, ஹ_ப்ளி - தென் மேற்கு ரயில்வே அணி, சாலக்குடி - சேக்ரெட் இருதய மருத்துவமனை அணி மற்றும் - கோயம்புத்தூர் - கோவை மாவட்ட மகளிர் அணியும் பங்கு பெற்றது. பல்வேறு சுற்றுகளாக போட்டிகள் நடைபெற்ற நிலையில், பெண்கள் பிரிவு இறுதி போட்டியில் செக்கந்தராபாத் - தென் மத்திய ரயில்வே அணியை எதிர்த்து ஹப்ளி - தென் மேற்கு ரயில்வே அணி விளையாடியது. இதில் தென் மேற்கு இரயில்வே அணி 65 - 54 என்ற புள்ளி கணக்கில் வெற்றி பெற்றது. இதே போல ஆண்கள் இறுதிப் போட்டியில் சென்னை - ரெஸ்ட் ஆப் தமிழ்நாடு அணியை எதிர்த்து புது டெல்லி - ஓஎன்ஜிசி அணி விளையாடியது. இதில் ஓஎன்ஜிசி அணி 71 - 66 என்ற புள்ளி கணக்கில் வெற்றி பெற்றது. செய்தி: பி.ரஹ்மான் - கோவை மாவட்டம்.