TVK: மதுவிலக்கு துறைக்காக விஜய்யின் தவெக அரசின் அதிரடி 6 அறிவிப்புகள் - என்னென்ன?

<p>தமிழ்நாட்டில் சட்டமன்ற கூட்டத்தொடர் நடைபெற்று வருகிறது. இந்த கூட்டத்தொடரில் இன்று மதுவிலக்கு துறை மீதான மானியக்கோரிக்கை நடைபெற்றது. </p> <h2><strong>அறிவிப்புகள்:</strong></h2> <p>இன்றைய மானியக்கோரிக்கையின்போது மதுவிலக்கு துறையின் கீழ் பல்வேறு அறிவிப்புகளை அமைச்சர் விக்னேஷ் வெளியிட்டார். அப்போது, அவர் அறிவித்துள்ளதாவது, </p> <p>1. கள்ளச்சாராயம் மற்றும் கள்ள மதுபான விற்பனையில் ஈடுபட்டு, சிறைத் தண்டனைக்கு பிறகு மனம் திருந்தியவர்களுக்கான மறுவாழ்வு நிதி ரூபாய் 50 ஆயிரத்தில் இருந்து ரூபாய் 1 லட்சமாக உயர்வு. மொத்தம் ரூபாய் 10 கோடி நிதி வழங்கப்படும். </p> <p>2. அமலாக்கப் பிரிவிற்கு நவீன உபகரணங்கள் மற்றும் புதிய வாகனங்கள்; ரூபாய் 2.58 கோடி ஒதுக்கீடு செய்யப்படும்.</p> <p>3. இ கலால் மின்னணு மயமாக்கல்; உரிமம் ரத்து, ஒப்படைப்பு, மாற்றம் உள்ளிட்ட பணிகளை வெளிப்படையாக மேற்கொள்ள இ கலால் தளத்தின் புதிய தொகுதிகள் உருவாக்கப்படும். இதற்காக ரூபாய் 1.69 கோடி ஒதுக்கப்படும்.</p> <p>4. கள்ளச்சாராயம், போலி மதுபானங்கள், போதைப் பொருட்கள் மற்றும் மதுபோதையில் வாகனம் ஓட்டுவதால் ஏற்படும் தீமைகள் குறித்து விழிப்புணர்வு பிரச்சாரங்களுக்கு ரூபாய் 5 கோடியில் இருந்து ரூபாய் 10 கோடியாக நிதி உயர்த்தி வழங்கப்படும்.</p> <p>5. சமூக ஊடகங்கள் மூலம் இளைஞர்கள் மற்றும் பொதுமக்களுக்கு போதைப் பொருட்களின் தீமைகள் குறித்து ரூபாய் 2 கோடியில் விழிப்புணர்வு ஏற்படுத்தப்படும். </p> <p>6. மெத்தனால் சட்டவிரோத பயன்பாடு மற்றும் திசை திருப்பலைத் தடுக்க புதிய மெத்தனால் பயன்பாட்டுக் கொள்கை உருவாக்கப்படும்.</p> <p>இந்த அறிவிப்புகளை அமைச்சர் விக்னேஷ் வெளியிட்டார்.</p> <h2><strong>வாக்குவாதம்:</strong></h2> <p>இன்று சட்டசபைக் கூட்டத்தொடரில் மதுவிலக்கு துறை மீதான மானியக்கோரிக்கை என்பதால் மிகவும் பரபரப்பான வாக்குவாதம் திமுக மற்றும் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> இடையே நடந்தது என்பது குறிப்பிடத்தக்கது.</p> <p>இந்த துறை மட்டுமின்றி மாற்றுத்திறனாளிகள் நலத்துறை மீதான புதிய அறிவிப்புகளும் வெளியிடப்பட்டது. அந்த அறிவிப்புகளை கீழே காணலாம்.</p> <p>40 சதவீதம் மற்றும் அதற்கு மேற்பட்ட மாற்றுத்திறனாளிகளுக்கு யுடிஐடி அட்டை மூலம் அனைத்து வகை சாதாரண பேருந்துகளிலும் கட்டணமில்லா பயண வசதி விரிவுபடுத்தப்படும்.</p> <p>செவித்திறன் குறைபாடுடைய மாணவர்களுக்கு ஐஎஸ்எல் மற்றும் மெய்நிகர் கற்றல் முறையில் கற்பிக்கும் திட்டம் ரூபாய் 64 லட்சத்தில் செயல்படுத்தப்படும்.</p> <p>பார்வை மாற்றுத்திறனாளி மாணாக்கர்களுக்கு அவர்கள் பாடத்திட்டங்களை வாசிக்கும் உதவியாளர்களுக்கு வாசிப்பாளர் உதவித்தொகை இரு மடங்காக உயர்த்தி வழங்கப்படும்.</p> <p>படிப்பு மற்றும் வேலைக்காக பயணம் செய்யும் உயரம் குறைந்த முதற்கட்டமாக 400 மாற்றுத்திறனாளிகளுக்கு ரூபாய் 4 கோடியில் சிறப்பு ஸ்கூட்டர்கள் மற்றும் மின்சார உபகரணங்கள் வழங்கப்படும்.</p> <p>அரசு நிதியுதவியுடன், தன்னார்வ தொண்டு நிறுவனங்கள் மூலம் மனநலம் பாதிக்கப்பட்டோருக்கு கூடுதலாக 10 இல்லங்கள் ரூபாய் 182 கோடி நிதி ஒதுக்கீட்டில் செயல்படுத்தப்படும். </p> <p>இவ்வாறு அந்த அறிவிப்புகளை வெளியிட்டனர்.</p> <p><iframe class="vidfyVideo" style="border: 0px;" src="https://tamil.abplive.com/web-stories/auto/7-seater-cars-in-6-lakhs-introducing-this-september-273076" width="631" height="381" scrolling="no"></iframe></p>