டாஸ்மாக் ஊழியர்கள் கூடுதல் விலைக்கு மது விற்றால் 3 மாதம் சஸ்பெண்ட்: பேரவையில் அமைச்சர் அறிவிப்பு
“டாஸ்மாக் பணியாளர்கள் கூடுதல் விலைக்கு மதுபானங்களை விற்றால் கடுமையான நடவடிக்கை எடுக்கப்படும். ஒரு ரூபாய் கூடுதலாக வாங்கினால்கூட முதல் முறை, 3 மாதம் பணியிடை நீக்கமும், அடுத்த முறை நிரந்தரப் பணி நீக்கமும் செய்யப்படுவார்கள்” என்று அமைச்சர் விக்னேஷ் அறிவித்தார்.
டாஸ்மாக் கடைகளில் மதுபானங்களை நிர்ணயிக்கப்பட்ட விலையை விட கூடுதல் விலைக்கு விற்பனை செய்யும் ஊழியர்கள் மீது கடுமையான நடவடிக்கை எடுக்கப்படும் என சட்டப்பேரவையில் அமைச்சர் விக்னேஷ் அறிவித்துள்ளார். ஒரு ரூபாய் கூடுதலாக வசூலித்தாலும், முதல்முறை கண்டறியப்பட்டால் சம்பந்தப்பட்ட ஊழியர் மூன்று மாதங்கள் பணியிடை நீக்கம் செய்யப்படுவார்.
அதே தவறு மீண்டும் தொடர்ந்தால், பணியில் இருக்கும் அந்த ஊழியர் நிரந்தரமாகப் பணி நீக்கம் செய்யப்படுவார் என்றும் அவர் திட்டவட்டமாகத் தெரிவித்துள்ளார். கூடுதல் விலைக்கு மது விற்பதைத் தடுக்கும் நோக்கில் இந்த நடவடிக்கை எடுக்கப்பட்டுள்ளது.