சென்னை வெள்ளத்தடுப்பு.. திருப்புகழ் குழு அறிக்கையை வெளியிட தயக்கம் ஏன்? முதல்வருக்கு அன்புமணி கேள்வி

சென்னையில் வெள்ளத் தடுப்பு நடவடிக்கைகளை மேற்கொள்வது தொடர்பான பரிந்துரைகளை உள்ளடக்கிய திருப்புகழ் குழுவின் அறிக்கை குறித்து, தங்களுக்கு எதுவும் தெரியாது என்று தமிழக அரசு கூறுவது அதிர்ச்சியளிக்கிறது. பேரிடர்களில் இருந்து சென்னையைப் பாதுகாக்க உதவும் மிக முக்கியமான ஆவணத்தை அணுகுவதில் அரசு காட்டும் இத்தகைய அலட்சியமான போக்கு ஏற்புடையதல்ல என்று அன்புமணி ராமதாஸ் விமர்சித்துள்ளார்.

திருப்புகழ் குழுவின் அறிக்கையை வெளியிட அரசு ஏன் தயக்கம் காட்டுகிறது என்று கேள்வி எழுப்பியுள்ள அவர், அரசின் இந்தச் செயல்பாட்டைக் கண்டித்துள்ளார். சென்னையின் பாதுகாப்பு தொடர்பான விஷயத்தில் அரசு பொறுப்புடன் செயல்பட வேண்டும் என்பதை அவர் வலியுறுத்தியுள்ளார்.