“ஜெயலலிதா செஞ்ச மாதிரி செய்ய தைரியம் இருக்கா?”.. இபிஎஸ்-க்கு சி.வி.சண்முகம் சரமாரி கேள்வி!!
அதிமுகவின் தொடர் தேர்தல் தோல்விகளுக்கு நிர்வாகிகள்தான் காரணம் என அக்ரி கிருஷ்ணமூர்த்தி கூறியதற்கு முன்னாள் அமைச்சர் சி.வி. சண்முகம் காட்டமான பதிலடி கொடுத்துள்ளார். வெற்றி பெற்றால் எடப்பாடி பழனிசாமி காரணம், தோற்றால் மாவட்ட செயலாளர்கள் காரணமா என கேள்வி எழுப்பியதுடன், தோல்விக்குத் தார்மீகப் பொறுப்பேற்காமல் பழியை மற்றவர் மீது போடுவதாகச் சாடினார்.
அதிமுகவின் தொடர் தேர்தல் தோல்விகளுக்கு மாவட்ட நிர்வாகிகளே காரணம் என அக்ரி கிருஷ்ணமூர்த்தி கூறிய கருத்துக்கு, முன்னாள் அமைச்சர் சி.வி. சண்முகம் கடும் கண்டனம் தெரிவித்துள்ளார். வெற்றிக்கு எடப்பாடி பழனிசாமி காரணமாக இருக்கும்போது, தோல்விக்கு மட்டும் ஏன் மாவட்ட செயலாளர்கள் மீது பழி சுமத்தப்படுகிறது என அவர் கேள்வி எழுப்பியுள்ளார்.
தோல்விக்கான தார்மீகப் பொறுப்பை ஏற்றுக்கொள்வதற்குப் பதிலாக, மற்றவர்கள் மீது பழியைப் போடுவது முறையல்ல என்று சி.வி. சண்முகம் விமர்சித்துள்ளார். ஜெயலலிதாவைப் போல தோல்விக்கு பொறுப்பேற்கும் தைரியம் இபிஎஸ்-க்கு உள்ளதா என்றும் அவர் காட்டமாக வினவியுள்ளார்.