6 கி.மீ., நடந்தே பள்ளிக்கு செல்லும் மாணவர்கள்: கிராம சபை கூட்டத்தில் புகார்

சாணார்பட்டி அருகே உள்ள மலைப்பட்டி கிராமத்தைச் சேர்ந்த மாணவர்கள் பள்ளிக்குச் செல்ல தினமும் 6 கிலோமீட்டர் தூரம் நடந்து செல்லும் அவலநிலை ஏற்பட்டுள்ளது. அப்பகுதிக்கு இயக்கப்படும் அரசு பேருந்தின் நேரம் மாற்றப்பட்டதே இதற்கு முக்கியக் காரணமாகக் கூறப்படுகிறது.

இந்த சிரமம் குறித்து கிராம சபை கூட்டத்தில் மாணவர்கள் மற்றும் பெற்றோர்கள் முறையிட்டு தங்களது புகாரைப் பதிவு செய்தனர். பேருந்து நேரத்தை மீண்டும் மாற்றியமைக்க வேண்டும் என அவர்கள் கோரிக்கை விடுத்துள்ளனர்.