ஒன்றிய அரசின் திட்டங்களுக்கு பயனாளிகள் பதிவு முகாம்: சிவகாசியில் 3 நாள் நடக்கிறது

சிவகாசியில் மத்திய அரசின் பல்வேறு திட்டங்களுக்கான பயனாளிகள் பதிவு முகாம் மூன்று நாட்களுக்கு நடைபெறுகிறது. மத்திய மக்கள் தொடர்புத் துறையின் சென்னை மண்டல அலுவலகம் சார்பில் இந்த முகாம் ஏற்பாடு செய்யப்பட்டுள்ளது.

வளர்ச்சி அடைந்த பாரதம், கிராமப்புற வேலைவாய்ப்பு மற்றும் வாழ்வாதார உத்தரவாதத் திட்டம், போதைப் பொருள் ஒழிப்பு விழிப்புணர்வு உள்ளிட்ட மத்திய அரசின் திட்டங்கள் குறித்து இந்த முகாமில் விளக்கப்படும் என மத்திய மக்கள் தொடர்பு தமிழ்நாடு, புதுச்சேரி மண்டல இயக்குநர் காமராஜ் தெரிவித்துள்ளார்.