டாஸ்மாக் கடைக்கு எதிர்ப்பு தெரிவித்து 3வது நாளாக பொதுமக்கள் போராட்டம்

விழுப்புரம் மாவட்டம் திண்டிவனம் அருகே உள்ள நடுவனந்தல் கிராம எல்லைப் பகுதியில், கடந்த 2021-ம் ஆண்டு திறக்கப்பட்ட டாஸ்மாக் கடைக்கு பொதுமக்கள் எதிர்ப்பு தெரிவித்ததை அடுத்து அது மூடப்பட்டது. ஆனால், மக்களின் எதிர்ப்பையும் மீறி மீண்டும் அந்தக் கடையைத் திறக்க நடவடிக்கை எடுக்கப்பட்டது.

இதனைத் தொடர்ந்து, அப்பகுதி மக்கள் தங்களது எதிர்ப்பைத் தொடர்ந்து மூன்றாவது நாளாகப் போராட்டத்தில் ஈடுபட்டு வருகின்றனர். கடையைத் திறப்பது குறித்து ஆய்வு செய்ய வந்த அதிகாரிகளிடம் பொதுமக்கள் இது தொடர்பாகத் தங்களது கண்டனத்தைப் பதிவு செய்துள்ளனர்.